ထမနဲထိုးနည်း

 ထမနဲထိုးနည်း

**************

ထမနဲ ထိုးရန်ဖို့••••• စာချိုးလို.မှာခဲ့မယ် •••

တစ်စိတ်ဆန်သည်ကောက်ညှင်းရယ်နှင့် 

တစ်ပိဿသာဆီအမှန်သွင်းပါလို. 

ချင်း(ဂျင်း) က သုံးဆယ်။

မြေပဲဖြူလှော်တစ်ခွက်ကယ်နှင့် 

အုန်းသီးဆန်အတူဖတ်ပါလို့ 

နှမ်းမပြတ်ဤနည်းနှယ်။

ရေစင်ကြည်ပထည့်ရိုး

လက်နှစ်သစ်သာပ ၊ 

တွက်စစ်ကာချိန်ဆယ်သားရယ်နှင့်

ရောနှောကလူအများတို့ရယ် 

အားစိုက္လို့ထိုး ...။

မန်လည်ဆရာတော်ဘုရားကြီး

~~~~~~~~~~~~~~~~~~~~~~~~

ဒီအချိုးဟာ ရှေးမြန်မာလူကြီးများ လက်ဆင့်ကမ်း၍ လာတဲ့ အချိုးဖြစ်သလို ဆရာမကြီးခင်ခင်ထူးရဲ့မအိမ်ကံ ၀တ္ထုထဲမှာ လည်း ဖော်ပြထားတာတွေ့ရပါတယ် 

( စကားချပ် )

(၁) ကောက်ညှင်းဆန်.......(၄)ပြည်

(၂ )မြေပဲ.......................(၈၀) ကျပ်သား..

(၃)နှမ်းဆီ(သို.)မြေပဲဆီ.... (၁)ပိသာ

(၄) နှမ်းစေ့( မဲ+အဖြူ )......(၃၂) ကျပ်သား

(၅) အုန်းသီးစိတ်..............(၂၀) ကျပ်သား..

(၆) ဆား.........................(၇) ကျပ်သား.

(၇) ချင်း..........................(၁၅) ကျပ်သား 

ထမနဲ မထိုးခင် ကောက်ညှင်းဆန်တွေကို ရေဆေးပြီးအနည်းဆုံး (၃) နာရီခန့် ကြိုတင်၍ ရေစိမ်ထားရပါမယ်...။

မြေပဲတွေကို လှော်ပြီး အခွံတွေပြောင်စင်ပြီး နေအောင်သန်.စင်ပါ ။ ၂ ခြမ်းကွဲသွားအောင် လက်ဖနောင့်လေးနဲ ဖိလှိမ့်ထားပေးပါ။ (အလွယ်သုံးမြေပဲဆားလှော်တွေမသုံးပါနှင့် )

နှမ်းတွေကိုလည်း သန့်စင်ထားပြီး

(လိုအပ်ပါက) လှော်ထားပါ။

အုနျးသီးတှကေို အနတျောပါးပါးလှီးစိတျပါ ၊ ကွောျပွီးထညျ့မယျဆိုရငျ နပေူမှာ (၃) နာရီ လောကျ ဇကာနှငျ့ဖွနျ့လှနျးထားပါ။

ဂျင်းတွေကိုအခွံခွါ၍ ရေဆေးပြီးလျှင်••••• မျှင်မျှင်လေးတွေလှီးပါ။

ရေစိမ်ထားတဲ့ကောက်ညှင်းတွေကို ဇကာနှင့်ရေစင်အောင်စစ်ထားပါ။

ပထမဆုံး မိုးဗြဲဒယ် မှာဆီကိုအပူပေးပြီး အုန်းသီးတွေကို ရွှေအိုရောင်ရအောင်ကြော်ပြီး ဆီစစ်ထားပါ ။

ထိုဆီထဲမှာပဲ ချင်းကို ဆီသတ်ပါ ။ အနံ့မွှေးပြီး နွမ်းလာလျှင် ရေစစ်ထားတဲ့ ကောက်ညှင်းဆန် တွေကို ထည့်ပေါင်းကာ... သစ်သားယောင်းမ အရှည်နှင့်မွှေပေးပါ  ( ကြော်ချင်ဟန်ပြု ပါ ) 

ဆီနဲ.တွေ့ပြီးကောက်ညှင်းတွေအကြောတင်းသွားပြီဆိုမှ...ဆားဖြင့်အရသာသွင်းပါ ၊

ကောက်ညှင်းဆန်အထက် ရေ လက်၂ဆစ်ခန့်

ထည့်ပြီးစကောကြီးကြီးများကိုလက်ကိုင်ကွင်း

တပ်ထားသောအဖုံးများနှင့် ဖုံးထားပါ ။

ရေမခမ်းခင်အထိတော့ (၁၀ ) မိနစ်တစ်ခါလောက်

ယောင်းမနဲ.နှံ..အောင်မွှေပေးရပါမယ်..။

ရေခမ်းသွားပြီဆိုရင်တော့မီးတောက်တွေကို

လျှော့ချပြီး..ငှက်ပျောဖက်အုပ်အဖုံး ၊ ဖုံးကာ 

နှပ်ပေးရပါမယ်...။

ကျွမ်းကျင်သူတစ်ဦးက စမ်းသပ်ပြီးလို့ နှပ်ပြီ ဆိုကာမှ သစ်သားယောင်းမကိုင်ပြီး မွှေသူ၂ဦးရဲ့ ယောင်းမအရင်းကနေကိုင်ပြီး ကောက်ညှင်းတွေ ကို ပွတ်ချေပေးရပါတယ်။(ထိုအလယ်လူနေရာ ကို ထမနဲကျွမ်းကျင်သူ အိုးသူကြီးများကသာ တာ၀န်ယူတာများပါတယ် )

ထိုအချိန်မှပဲ အိုးသူကြီးညွှန်ကြားချက်အတိုင်း နှမ်း ၊ မြေပဲ ၊ အုန်းသီးကြော်(သို.) အစိမ်းများကို ထည့်ကာ သမသွားအောင် နယ်ပေးပါမှ ••••• ကောင်းမွန်တဲ့ ထမနဲ ကိုရရှိတာဖြစ်ပါတယ်..။

Credit