ငါးသလောက်ပေါင်းနည်းလေး..😍
၁။ ငါးသလောက်ကြီးကြီးတစ်ကောင်ကို ၃ ပိုင်း (သို့မဟုတ်) ၄ ပိုင်း ပိုင်း၍ သန့်စင်အောင် ဆေးကြောပါ။ ပြီးလျှင် ဆား အချိုမှုန့် နနွင်းမှုန့် ငါးငံပြာရည် ၃ ဇွန်း
ရှလကာရည် ၃ ဇွန်း တို့ဖြင့် သမအောင်နယ်၍
နာရီဝက်ခန့် နှပ်ထားပါ။
၂။ ကြက်သွန်နီ ဖြူ ဂျင်း စပါးလင်တို့ကို ငရုတ်သီးအရောင်တင်မှုန့်ဖြင့် ရောထောင်း၍ ဆီသတ်ပါ။ ခရမ်းချဉ်သီး ၄/၅ လုံးခန့်ကိုလည်း ပါးပါးလှီး၍
အနှစ်ရတဲ့အထိ ရော၍ လုံးချက်ချက်ပါ။
၃။ ချက်မည့် ဟင်းပေါင်းအိုးအောက်ခြေကို ကြံချောင်း (သို့မဟုတ်) စပါးလင် ၅ ချောင်း ထု၍ ဖြန့်ခင်းပါ။
၎င်း အပေါ်ကမှ ငါးအတုံးများကို စီ ထည့်ပါ။ ထို့နောက် ခုနက ဆီသတ်ထားသည်များ လောင်းထည့်ပါ။
ကြက်သွန်နီဥ အရွယ်တော် ၅/၆ လုံးခန့် အပေါ်မှ ထပ်ထည့်ပါ။ ပြီးလျှင် ငါးတွေမြုတ်တဲ့အထိ ရေထည့်ပါ။
၄။ ၄၅ မိနစ်ခန့်ကြာလျှင် မီးပိတ်ပြီး ခဏနှပ်ထားပါ။ ၁၀ မိနစ်လောက်ကြာလျှင် အဖုံးဖွင့်ပြီး နံနံပင် နှင့် မဆလာ
အနည်းငယ်စီ အုပ်ပြီး ၃ မိနစ်လောက် ထပ်ချက်လိုက်လျှင် ရပါပြီရှင်။
အရသာရှိသောငါးသလောက်ပေါင်းဟင်းတစ်ပွဲမိမိကိုယ်တိုင်_လက်စွမ်းပြချက်စားကြည့်လိုက်ပါနော်
လေးစားလျှက်ပါ . Credit. .
ခင်ခင်ကြီး(ခ) သက်ထားစံ
