ကြက်သား ဒန်ပေါက် (၈ယောက်စာ)

 ကြက်သား ဒန်ပေါက် (၈ယောက်စာ)

မြှောက်ပိုင်း အိန္ဒိယစတိုင် ဒန်ပေါက် လေးပါ။ ရန်ကုန်မှာ စားနေကျ ဒန်ပေါက်တွေနဲ့ အရသာ၊ အနံ့မတူပေမယ့် ပိုလို့တောင် စားကောင်းပါတယ်။ မြှောက်ပိုင်း အိန္ဒိယစတိုင် ဒန်ပေါက်က အရသာက နည်းနည်းစပ်ပေမယ့် ဆီလည်း မများတာမို့ ကျန်းမာရေးနဲ့လည်း ပိုညီညွတ်ပြီ လုံး၀ မအီပါဘူး။ ကြက်သားကို ဒိန်ချဉ်နဲ့ နုပ်ထားတာမို့ အသားကလည်း အရမ်းကိုနူးအိပါတယ်။ ချက်တာလည်း ထင်သလို မခက်ပဲ လွယ်လွယ်နဲ့ လုပ်စားနိုင်မှာပါ။ ကြက်သား ဒန်ပေါက်ချက်နည်းလေးကို ခုပဲ ကြည့်လိုက်ရအောင်…

ဒန်ပေါက်တွင် ပါ၀င်ပစ္စည်းများ

ဒန်ပေါက်ဆန် (basmati rice) ♦ နို့ဆီဘူး ၄လုံး (CityMart တွင် ၀ယ်ယူနိုင်သည်)

ဇီယာစေ့ ♦ စားပွဲတင်ဇွန်း ၃ပုံ၁ပုံ

သီဟိုစေ့ ♦ စားပွဲတင်ဇွန်း ၂ဇွန်းစာ

Saffron ♦ စားပွဲတင်ဇွန်း ၃ဇွန်း

မှတ်ချက် ။ ။ Saffron ဒန်ပေါက်ချက်ရာမှ အရောင်အတွက်ထည့်သော ပစ္စည်းဖြစ်သည်။ ရန်ကုန်မှာ ရှာမတွေ့တာမို့ ၀တ်ရည်ချက်တဲ့ ထဲတွင် ထည့်မချက်ထားပါ။

ကြက်သားနုပ်ထားရန် ပါ၀င်ပစ္စည်းများ

ကြက်ပေါင် ♦ ၆ခု (ထက်ပိုင်းပိုင်း ထားပါ)

ဂျင်း ♦ လက်တဆစ် (ထောင်းထားပါ)

ကြက်သွန်ဖြူ ♦ ၂ခု (ထောင်းထားပါ)

ကြက်သွန်နီ ♦ ၃လုံး (ပါးပါးလှီးပါ ကြော်ထားပါ)

ဒိန်ချဉ် (yoghurt) ♦ ၁ခွက်စာ

ဆီ (oil) ♦ စားပွဲတင်ဇွန်း ၅ဇွန်းစာ

လေညှင်း (cloves) ♦ ၂ခု

ဖာလာစေ့ (cardamon) ♦ ၄ခု

ဇာပွင့် (Javetri) ♦ ၃ခု

ကလာဝေရွက် (bayleaf) ♦ ၂ခု

သစ်ဂျပိုး ♦ ၁ခု

ဇီယာ (cumin) ♦ စားပွဲတင်ဇွန်း ၁ဇွန်း

ဇီယာမှုန့် (cumin pdr) ♦ စားပွဲတင်ဇွန်း ၁ဇွန်း

နံနံစေ့မှုန့် (coriander pdr) ♦ စားပွဲတင်ဇွန်း ၁ဇွန်း

ငရုတ်သီးမှုန့် (chilli pdr) ♦ စားပွဲတင်ဇွန်း ၁ဇွန်း

ဆနွင်းမှုန့် (tumeric pdr) ♦ စားပွဲတင်ဇွန်း တ၀က်

ငရုတ်ကောင်းလုံး (အမဲ) ♦ စားပွဲတင်ဇွန်းတ၀က် (မညက်တညက် ထောင်းထားပါ) (black pepper corn)

ငရုတ်သီးစိမ်း (green chilli) ♦ ၆ခု (စိတ်ပေးပါ)

ဆား (salt) ♦ စားပွဲတင်ဇွန်း ၁ဇွန်းခွဲ

မာဆလာ (masala) ♦ စားပွဲတင်ဇွန်း ၁ဇွန်း

ပူစီနံ (mint) ♦ ၁စည်း (ပါးပါးလှီးပါ)

နံနံပင် (coriander) ♦ ၁စည်း (ပါးပါးလှီးပါ)

မှတ်ချက်။ ။ အိန္ဒိယ ဟင်းခတ်အမွှေးအကြိုင်များကို CityMart တွင် ၀ယ်ယူနိုင်ပါသည်။

ပြင်ဆင်နည်း

၁။ အရင်ဆုံး ဇလုံတစ်ခုထဲသို့ ထက်ပိုင်းပိုင်းသော ကြက်သားများကို ထည့်လိုက်ပါ။

၂။ ပြီမှ ကြက်သားမှအပ နုပ်ထားရန် ပါ၀င်ပစ္စည်းများ အားလုံးကို ဇလုံထဲသို့ ထည့်ပြီ သမအောင် ရောနုယ်ထားလိုက်ပါ။

၃။ သမအောင် ကြက်သားကို နုယ်ပြီလျှင် ၁နာရီခန့် ရေခဲသေတ္တာထဲတွင် နုပ်ထားပေးပါ။

၄။ ကြက်သားကို နုပ်ထားစဉ်အတွင်း basmatic ဆန်ကို နာရီ၀က်ခန့် ရေစိမ်ထားပေးပါ။ (မှတ်ချက် ။။ ရေစိမ်ပေးထားမှ ဒန်ပေါက် ထမင်းချက်ရာမှ ကောင်းပါမည်)

၅။ နာရီ၀က် ရေစိမ်ပြီလျှင် ဇကာဖြင့် ဆန်များကို ရေပြန်စစ်ပေးပါ။

၆။ ထို့နောက် ဒယ်အိုးတစ်အိုးထဲသို့ ရေများထည့်ပြီ ဆူလာလျှင် ဆီ(စားပွဲတင်ဇွန်း ၃ဇွန်း)၊ ဆား(စားပွဲတင်ဇွန်း၂ဇွန်း)၊ ဇီယာ(စားပွဲတင်ဇွန်း ၃ပုံ၁ပုံ) ထည့်မွှေပေးပါ။

ရ။ ပြီမှ ဆန်များကို လောင်းထည့်ပြီ ဆူလာသည်အထိ တည်ထားပေးပါ။

မှတ်ချက် ။ ။ ဒန်ပေါက်ဆန်ချက်ရာတွင် ကျက်သည်အထိ မတည်ရပဲ၊ တ၀က်ပဲကျက်သည့်အနေထားထိသာ တည်ရမည်။

၈။ ဒါကြောင့် ဆူလာလျှင် ၁မိန်ခန့် ထပ်တည်ပြီ ဆန်များ တ၀က်ကျက်လျှင် မီးပိတ်ပြီ ဇကာဖြင့် ပြန်စစ်ထားပေးပါ။

ဒန်ပေါက် ချက်နည်း

၁။ ခုကြက်သား ဒန်ပေါက် စချက်ပါတော့မည်။

၂။ ဒယ်အိုးတစ်ခုထဲသို့ နုပ်ထားသော ကြက်သားများကို အရင်ထည့်ပြီ ခင်းထားလိုက်ပါ။

၃။ ကြက်သားအပေါ်မှ ဆန်များနှင့် သီဟိုစေ့များကို ခင်းလိုက်ပါ။

၄။ ထို့နောက်အပေါ်မှ နံနံပင်(အနည်းငယ်)၊ ကြက်သွန်နီကြော်၊ ငရုတ်သီး(ဆီချက်) (သို့) Saffron (စားပွဲတင်ဇွန်း ၃ဇွန်း) ဖြူးပေးပါ။

၅။ ပြီနောက် အဖုံးအုပ်ကာ (မီးပြင်းပြင်းဖြင့် ၅မိနစ်၊ မီးအသင့်တင့်ဖြင့် ၁၅မိနစ်၊ မီးနည်းနည်းဖြင့် ၁၀မိနစ်ခန့်) အားလုံး စုစုပေါင်း နာရီ၀က်ခန့် တည်ထားပါ။

၆။ ကျက်ပြီဆိုလျှင် ဒန်ပေါက်ထမင်း နှင့် ကြက်သားများကို ဖြည်းဖြည်းခြင်း ဇွန်းဖြင့် သမအောင် ရောမွှေလိုက်ပါ။

ရ။ မြှောက်ပိုင်း အိန္ဒိယစတိုင် ကြက်သားဒန်ပေါက်ကို သုံးဆောင်နိုင်ပါပြီ..

############

ဒန်ပေါက်

ကြက်သား ဒန်ပေါက် အလွယ်ချက်နည်း..

မမီးက ဘာစမာတီ ချက်နည်းကို သူများဆီက လေ့လာပီး လုပ်ကြည့်တာ..ရေလုံး၀ မဆေးဘူး..။ နောက်ပိုင်း စာတွေ ဖတ်ကြည့်တော့..U.S က ဆန်တွေကို ရေမဆေးလည်း ချက်နိုင်ပါတယ်တဲ့.. တခြားတိုင်းပြည်ကတင်သွင်းတဲ့ ဆန်တွေကိုတော့ ရေ ဆေး ရမယ်တဲ့..။

အိုးအပြည့် ဘယ်တော့မှ မချက်ပါနဲ့..။ မမီး ၅ ခွက် အိုးမှာ ၂ခွက်ဘဲ ချက်တယ်..အဲဒီ ထက်ပိုလိုက်တာနဲ အိုးကျပ်ပီး ထမင်းမလှ..။

မမီးတို့ စိတ်ကြိုက် မဆလာနံ့ သိတ်မများဘဲ..ထောပတ် အနည်းငယ်နဲ့ ချက်ထားတဲ့ အလွယ် ချက်လေးပါ..။ စားလို့ အရမ်းကောင်းပါတယ်..။

မမီး အရောင် အတွက် ကုကမံကို မသုံးဘဲ အလွယ်တကူ ရနိုင်တဲ့ အစာ ဆိုးဆေးတွေကို သုံးထားပါတယ်.. US မှာ နေသူတွေကတော့ ကိတ်မုန့် ပစ္စည်းတွေ ရောင်းတဲ့ အတန်းမှာ အလွယ်တကူ ရှာတွေ့နိုင်ပါတယ်..မြန်မာ မှာ နေသူများကတော့ သိမ်ကြီးစျေးနဲ့ ကိတ်မုန့် ပစ္စည်းရောင်းတဲ့ ဆိုင်တွေ..ပရဆေး ဆိုင်တွေမှာ ၇နိုင်မယ် လို့ ထင်ပါတယ်..။ သူငယ်ချင်းလေး တယောက် အကြံပေးဘူးတယ်.. ပဲငံပြာရည် အပျစ်အနည်းငယ်ထမင်းပေါ်မှာ ထည့်ပေးရင် အရောင်ပိုလှပါတယ်တဲ့...။

ကြက်သားဟင်း

1. ကြက်ပေါင် ................. ၂ ချောင်း

2. ကြက်သွန်ဖြူ ...............၂ မွှာ

3. ချင်း ပါးပါး ..................၁ ပြား

4. ကြက်သွန်နီ................ အရွယ် လတ် ၁ လုံး

5. ဆီ ..............................၂ စားပွဲဇွန်း

6. ငြုတ်သီးမှုန့်.................. ၁/၄ လက်ဘက်ရည်ဇွန်း ( အရောင်တင်မှုန့်)

7. ဒိန်ချဉ်........................... ၂ စားပွဲဇွန်း

8. ကြက်သွန်နီကြော် ........... ၃ စားပွဲဇွန်း

9. ဒန်ပေါက် မဆလာ........... ၁ စားပွဲဇွန်း

ချက်နည်း

1. ကြက်သားကို သန့်စင်အောင်ဆေး၊ ဆား ၊ဒန်ပေါက်မဆလာ၊ ဒိန်ချဉ် တို့ဖြင့် နယ်ပေးပီး ၁ နာရီခန့် နှပ်ထားပေးပါ။

2. ကြက်သွန်နီ၊ ကြက်သွန်ဖြူ၊ ၊ ချင်းတို့ကို ညက်အောင်ထောင်းပါ၊

3. အိုးတခုထဲမှာ ဆီ အနည်းငယ် ထည့်ပီး ထောင်းထားတဲ့ ကြက်သွန်ဖြူ/နီ၊ချင်း တို့ကို ဆီသတ်ပါ။

4. ကြက်သွန်နီသွေ့စပြုပီး မွှေးလာတဲ့အခါ အသင့် နှပ်ထားတဲ့ ကြက်သားများကို ထည့်ပြီး လှိမ့်ပါ၊ အသားတင်းလာတဲ့ အခါ ကြက်သွန်နီကြော် ထည့်မွှေပါ၊ ဒိန်ချဉ်က ထွက်လာတဲ့ ရေနဲ့ ကြက်သား နူးလာတဲ့ အထိ မီးအေးအေး နဲ့ ချက်ထားပါ၊ လိုအပ်ရင် ရေပူ အနည်းငယ်ထည့်ပေးပါ၊

ဒန်ပေါက်ထမင်း

1. ဘက်စမာတီဆန်.............. ၂ ခွက် ( rice cooker cup)

2. ထောပတ်(Ghee) .............၁ လက်ဘက်ရည်ဇွန်း

3. သစ်ကြပိုးခေါက် ................ ၁ လက္မ အရွယ်

4. ကရဝေးရွက်....................... ၁ ရွက်

5. ကြက်သွန်နီကြော် ..................၁/၂ ခွက် (rice cooker cup)

6. အဝါရောင်............................. ၂-၃ စက်

7. လိမ္မော်ရောင် .......................... ၁-၂ စက်

8. ဆား ..................................၁/၂ လက်ဘက်ရည်ဇွန်း

9. သကြား ..............................၁ လက်ဘက်ရည်ဇွန်း

ချက်နည်း

1. ထမင်းပေါင်းအိုးတစ်လုံးထဲမှာ ထောပတ်(Ghee) ထည့်ပါ၊ သစ်ကြပိုးခေါက်နဲ့ ကရဝေးရွက်ထည့်ပါ၊ ပူလာတဲ့ အခါ တချက် နှစ်ချက် မွှေပေးပါ၊ ဆန်ကို အခြောက် အတိုင်းထည့်ပါ၊ အဝါရောင် ၂-၃စက်ထည့်မွှေပေးပီရင် ဘက်စမာတီ ဆန် ၂ ခွက် အတွက် ရေ ၃ခွက် ထည့်ပီးချက်ပါ၊

2. ထမင်းကျက်တဲ့ အခါ တ၀က် ကို ဖွဖွလေး ထမင်းမကြေအောင် ခပ်ထုတ်ပီး ကြက်သွန်နီကြော် ဖြန့်ထည့်ပါ၊ ချက်ထားတဲ့ ကြက်သားနဲ့ အနှစ်များထည့်ပါ၊ အပေါ်မှ ဖယ်ထားတဲ့ ထမင်းပြန်အုပ်ပီး ၊ ရေ ၁ စားပွဲတင်ဇွန်း နဲ့ အသင့်စပ်ထားတဲ့ လိမ္မော်ရောင် ကို နေရာကျဲကျဲ ဖြန့်ထည့်ပါတယ်၊ အဖုံးပိတ်ပီး စားခါနီး အထိနှပ်ထားပါတယ်၊

3. ထမင်းခပ်တဲ့အခါ အရောင် သမသွားအောင် အနည်းငယ် ဖွပေးလိုက်ပီး၊ အိမ်ချက် ဒန်ပေါက်လေး သုံးဆောင်နိုင်ပါပီ

**********************

ဒန်ပေါက်ချက်နည်း

( ဆိုင်များအတိုင်း အစိမ်းဖောက် ခေါ် အိုးကြီးချက် )

(ဆိုင်ချက်နည်းလေးဖြစ်ပါတယ်. Share ထားလိုက်နော် ..)

အလှူတွေမှာလည်း ကြွေးလို့ရပါတယ်

..

ဆန် ပေါ်ဆန်မွှေး ၄ လုံး

ကြက်သား ၆၀ ကျပ်သား တကောင်

ကြက်သွန်နီကြော် ၁၀ ကျပ်သား

ဆီ ၅ ကျပ်သား ဆီကျက်ချက်ထားပါ ထောပတ် ၅ ကျပ်သား

ဒိန်ချဉ် ၁ ခွက် အကြမ်းပန်ကန်လုံး

ဒန်ပေါက်အရောင်အဝါ အနည်းငယ်

နို့စိမ်း ဘူးတဝက်ခန့်

မဆလာ ၁ ဇွန်း ဟင်းစားဇွန်း

သီဟိုစေ့ စပျစ်ခြောက် ပဲစိမ်း အနည်းငယ်စီ

ပူစီနံ ၂ စီး အသေး ပါးပါးလှီးထား

(ဖာလာ လေညင်း သစ်ဂျပိုးခေါက် အနည်းငယ်စီ) ၅ပွင့်ခန့်

ဂျင်းလက်တဆစ်ခန့် ကြက်သွန်ဖြူ တလုံး ရောထောင်းရန်

ငရုပ်စိမ်းမှုန့် ၁ဇွန်း teaဇွန်း

ဆား ၃ဇွန်းခန့်teaဇွန်း ဟင်းချက်စားသည်ထက်ပိုထည့်

အချိုမှုန့် ၂ ဇွန်းခန့် tea ဇွန်း

ကြက်သားတကောင်ကို ၈ ပိုင်းတုံးရေဆေးထား

ကြက်သားနှပ်ကြမယ် ..

အသား ကွကျသှနျကွောျ ဒျိနျခဉြျ ဂငြျးကွကျသှနျဖွူ မဆလာ ပူစီနံ ဖာလာလညှေငျးသစျဂပြိုး

ဆား အချိုမှုန့် ငရုပ်စိမ်း တို့အားရောမွှေလိုက်ပါ ပီးလျှင်ကြက်သားတုံးများကိုဖယ်ထုတ်လိုက်ပါ အရသာနှံ့စေရန်အနှစ်များကိုသပ်သပ်တကြိမ်နယ်ပေးပါ

ထမင်းပေါင်းအိုးနှင့်ချက်ပါမယ် အသေးဆုံးဆန်လေးလုံးဆန့်အိုးဖြစ်ရပါမယ်

ပေါင်းအိုးအတွင်း အသားတုံးများကိုဖြန့် စီလိုက်ပါအနှစ်မပါစေပါနှင့် အနှစ်များကို အသားတုံး အပေါ်မှဖြန့်တင်လိုက်ပါ ကြက်သားနှပ်ပီးပါပီး။ သီဟိုစေ့ စပျစ်ခြောက် ပဲစိမ်း တို့ကို ကြက်သားနှပ်အပေါ်မှ ဖြန့်တင်လိုက်ပါ ဆီကျက်ကိုဘေးမှ ဖြန့်လောင်းပါ တနာရီခန့်ထာပေးပါ။ အရောင်ကိုရေဖြင့် ပန်ကန်လုံးတလုံးစာခန့်ဖျော်ထားပါ။

ထမင်းချက်ကြမယ်

ဆန်ကိုပြုတ်ရန် အိုးလွတ်တလုံးနှင့် ရေနွေးမပြည့်တပြည့်တယ်ပါ။

ဆန်ကိုရေဆေးပီး စစ်လိုက်ပါ

ရေနွေးဆူလျှင် ဆန်ထည့်ပြုတ်ပါ ။

ဆားအနည်းငယ်ရေနွေးအိုးတွင်ထည့်ပီး ဖြေးညှင်စွာမွှေပါ။မိနစ်အနည်းငယ်ကြာရင်ပွက်လာပါမည်

ဆန်မကျက်ခင် (ထမင်းရေငှဲ့ချက်သောအခါ ကျက်ကာနီး မာဆတ်သော) ထမင်းမဖြစ်မှီ စပ်ကြားအချိန်တွင်

ဇကာတခုအတွင်းသို့သွန်ထည့်လိုက်ပီးရေနွေးများကုန်အောင်စစ်လိုက်ပါ။

ထို့နောက် ပေါင်းအိုးအတွင်းရှိ

အသားနှပ်အပေါ်မှ လောင်းထည့်လိုက်ပါ ။

ထမင်း အပေါ်မှ နို့စိမ်းထောပတ်တို့ကို ဖြန့်ထည့်ပီး အရောင်ရေကို အပေါ်ဆုံးမှဖြန့်ပီးထည်းလိုက်ပါ။

အဖုံး ပိတ်လိုက်ပီး ပေါင်းအိုးခလုပ်ကိုနှိပ်ပီး ထမင်းချက်သည့်အတိုင်းချက်ပါ။ ထမင်းကျက်လျှင် အပေါ်မှထမင်းများကို ခပ်ယူပီး ထမင်းသပ်သပ် အနှစ်များသီးသန့် ဖြစ်စေရန် ပြုလုပ်ပါ။ မိမိတို့စိတ်တိုင်းကြ အနှစ်များကို ထမင်းဖြင့် ရောသမပီး စားသုံးနိုင်ပါသည်။

#(အိုးကြီးကဲ့သို့ ဂျုံ့ဖြင့် လေလုံ ပိတ်ပီး မီးသွေး ခဲဖြင့် အပေါ်မီးအောက်မီး ပြန်နှပ်ခြင်းသည် အနည်းငယ်ခက်ခဲသဖြင့် ပေါင်းအိုးဖြင့် ချက်စားနိုင်ရန်တင်ပြလိုက်ပါသည်။)

😍 လွယ်လွယ်ကူကူ ပေါင်းအိုးလေးနဲ့ #ဒန်ပေါက် ချက်စားကြရအောင် 😋

`` ပေါင်းအိုးနဲ့ချက်တဲ့ ဒန်ပေါက် ´´

လိုအပ်တဲ့ပစ္စည်းတွေကတော့

ဒန်ပေါက်ဆန်

နို့စိမ်း

ထောပတ်(အပူပေးထားပါ)

ပဲစိမ်း

စပျစ်စေ့ခြောက်

သီဟိုစေ့

သကြား

ဆား

ကြက်သားမှုန့်

ဆီ

ကြက်သွန်ကြော်

ဒန်ပေါက်အရောင်ဆေးရည်

ဒန်ပေါက်မဆလာ

(ဖာလာစေ့.နာနတ်ပွင့်.သစ်ဂျပိုးခေါက်..ကရဝေးရွက်.)

....

ဒန်ပေါက်ဆန်ကို ရေဆေးပီး နာရီဝက်ခန့်ရေစိမ်ထားပါ

ရေနွေးအိုးကို အိုးကြီးကြီးနဲ့ကိုယ်ချက်မယ့်အချိုးအစားပေါ်မူတည်ပီး ရေများများနဲ့ဆူအောင်တည်ပါ..

(ရေထဲကို သစ်ဂျပိုးခေါက် ဖာလာ နာနတ် ကရဝေး အနည်းငယ်နဲ့ဆါးနည်းနည်းထည့်ပြုတ်ပေးပါ)

ရေဆူလာရင် စိမ်ထားတဲ့ဆန်ကိုထည့်ပီး မွှေပေးပါ

ဆန်ကရှည်ထွက်လာပီး မာတင်းတင်းလေးဆိုရင် ရေစစ်ပီး ပေါင်းမယ့်အိုးထဲကိုထည့်ပါ..

ပီးရင်

ထောပတ်အပူပေးထားတာကိုလောင်းထည့်ပါ နုိ့်စိမ်း

သီဟိုစေ့ စပျစ်သီး ပဲစိမ်းတွေကိုထည့်ပါ

ဆား သကြား ကြက်သားမှုန့်ကိုလည်း ချက်တဲ့ဆန်ပေါ်မူတည်ပီးထည့်ပေးပါ..

ပီးရင် အပေါ်ကနေ ဒန်ပေါက်အရောင်ကို ကွက်ကြားလောင်းထည့်ပေးပါ.

အရောင်ထည့်ပီးရင် ကြက်သွန်ကြော်နဲ့ဒန်ပေါက်မဆလာကို အပေါ်ဆုံးကနေတင်ပီး ဆီအနည်းငယ်လောင်းထည့်လိုက်ပါ...

ပီးရင် မီးခလုတ်နှိပ်ပီ ၄၅မိနစ်ဆိုကျက်ပါပီ...

ကြက်သား ကိုတော့ ညတည်းက ဒိန်ချဉ်ရယ်မဆလာရယ်အချိုအငံနဲ့နယ်ပီးရေခဲသေတ္တာထဲနှပ်ပါ

မနက်ကျရင် ကြက်သွန်ဖြူနီဆီသတ်ပီး အရောင်မှုန့်ထည့်ပီး ကြက်သားချက်ပါ...ကြက်းသားကျက်ပီဆိုရင် ကြက်သွန်ကြော်တွေကိုများများထည့်ပီး မဆလာထည့်လိုက်ရင် ရှယ်ကြက်သားဟင်းနဲ့ဒန်ပေါက်ရပါပီ

ခဏခဏချက်စားသလို မိတ်ဆွေတွေလည်း ခေါ်ချက်ခိုင်းတဲ့ သဇင့်ရဲ့ဒန်ပေါက်ချက်နည်းပါ 😁

(ဆန်ကိုဆယ်ပီးပြုတ်ထားတဲ့အပူငွေ့မသေခင် အိုးထဲကိုထည့်တါတွေ အမြန်ဆုံးလုပ်ပါ)..

#Credit See less