.
🌿 ကောက်ညှင်း ရွှေထမင်း 🌿
****************************
🔹 ကောက်ညှင်းဆန် ( ၄ လုံး )
🔹 မုန့်လုပ်ထညက် ( ၅၀ သား )
🔹 ဆား ( မကျီးစေ့ခန့် )
မုန့်လုပ်ထညက်ကို ကျိုပီး စစ်၍ နာရီဝက်ခန့်ထားပါ။
( အနည်ထိုင်စေရန် အတွက်ပါ )
နောက်အိုး တစ်အိုးထဲကို ခပ်ဖြည်းဖြည်း သွန်ထည့်ပါ။
အောက်မှာ အနည်ထိုင်နေတဲ့
မဲမဲအနည်မှုန်လေးတွေ ချန်ထားခဲ့ပါ။
ပီးရင် အတော်လေးပျစ်အောင် ထပ်ကျိုပေးပါ။
ကောက်ညှင်းဆန်ကို ညတည်းက ရေစိမ်ထားပီး
မနက်ကျရင် ပေါင်းပါ။
( မပျော့လွန်း မမာလွန်းတဲ့အနေအထားရှိရပါမယ်။ )
ပေါင်းပီးပီးချင်း ကောက်ညှင်းပေါင်းပူပူနဲ့
ထညက်ရည် ပူပူ ပျစ်ပျစ်တွေကို
အိုးတစ်အိုးထဲကို ရောထည့်လိုက်ပါ။
ဆား အနည်းငယ်ထည့်ပီး
ယောက်မ ( သို့ ) ဟင်းချက်ဇွန်းကြီးနဲ့
သမအောင် မွှေပေးပါ။
ကောက်ညှင်းနဲ့ ထညက်ရည် လုံးဝကို တသားတည်းကျသွားပီး
လုံးလုံးခဲခဲလေး ဖြစ်သွားတဲ့အထိ မွှေပေးပီးမှ
ဆီသုတ်ထားတဲ့ အောက်ခံလင်ဗန်းထဲကို ထည့်ပါ။
ပီးရင် ဗန်းထဲမှာ ညီနေအောင် ဖြန့်လိုက်ပါ။
လက်မှာ လက်အိတ်စွပ်ပီး မျက်နှာပြင်ကို ဆီသုတ်ကာ
ညီညာနေအောင် ထပ်ညှိပေးပါ။
ကျစ်နေအောင် လက်နဲ့ ဖိဖိချပေးပါ။ ရိုက် ရိုက် ပေးပါ။
အတော်လေး ဖိချပီးရင် ရပါပီ။
ပီးရင် အအေးခံထားလိုက်ပါ။
လုံးဝအေးသွားမှ လှီးလို့ ရပါမယ်။
အနည်းဆုံးတော့ နေ့တစ်ဝက်ထားရပါမယ်။
တစ်ညထားရင် ပိုကောင်းပါတယ်။
ပီးရင်တော့ မိမိကြိုက်တဲ့ ပုံစံလေးလှီးပီး
အုန်းသီးဖြူးကာ စားသုံးနိုင်ပါပီ။
_______________________________
မျက်နှာပြင်ကို ဆီသုတ်ပီး
သစ်သား ဒလိမ့်တုံးနဲ့ လှိမ့်လို့လည်း ရပေမယ့်
လက်မှာ ဆီသုတ်ပီးညှိပေးတာကို ကျမ ပိုကြိုက်ပါတယ်။
ခပ်နာနာလေး ဖိပေး ရိုက်ပေးမှ
သိပ်သိပ် ကျစ်ကျစ်လေးနဲ့ လှီးလို့ ကောင်းတာပါ။
ကောက်ညှင်းပေါင်းတဲ့အခါ လုံးဝမာလို့ မရပါဘူး။
မာသွားရင် ရွှေထမင်းဖြစ်တဲ့အခါ
မာမာခေါက်ခေါက်ကြီးနဲ့ စားမကောင်းတော့ပါဘူး။
အကယ်၍ မာနေတယ်ထင်ရင်
ကောက်ညှင်းဆန်နဲ့ ထညက်ရည်ကို ရောပြီး မီဖိုပေါ်တင်ကာ
မီးအေးအေးနဲ့ စီးထွေးလာအောင် မွှေပေးပြီးမှ
ဗန်းထဲထည့်၍ အအေးခံပေးပါရှင်။
အချိုလေးလေး ကြိုက်သူများကတော့
ထညက် ၁၀ သား ပိုထည့်ပေးလို့ရပါတယ်ရှင့်။
Crd😋
Comments
Post a Comment