ကြက်သားခနံထုပ် (Khanon htok)

 

ကြက်သားခနံထုပ်  (Khanon htok)

( ကြက် / ဝက် နှစ်သက်ရာနဲ့စား) 

ပါဝင်ပစ္စည်းများ

-----------

မုန့်ဖတ်ပြုလုပ်ရန် -

...........................

ဘက်စုံသုံးဂျုံမှုန့် ( ဒုံးပျံတံဆိပ်အပြာ)  - ထမင်းစားဇွန်း ၄ ဇွန်း

ကြက်ဥ - ၅ လုံး

ဘဲဥ - ၅ လုံး

ရေ - ရေသန့်ဘူး နှစ်ရစ်

ဆား - လက်ဖက်ရည်ဇွန်း ၁ ဇွန်း

သကြား - ဇွန်း တဝက်

...............

ပြုလုပ်နည်း

...............

 ဇလုံတစ်ခုထဲမှာ ဂျုံမှုန့်နဲ့ ဆားသကြား ရေ အကုန်ထည့်ပြီး မုန့်နှစ်ရပြီဆိုမှ ကြက်ဥ ဘဲဥ ခလောက်ပြီးသားတွေထည့်ပါ။ 

သမသွားအောင်မွှေပြီး အဖုံးအပ် ခနနှပ်ထားပြီး အဆာပလာပြင်ပါမယ်။

******************

ခနုံထုပ်ထဲထည့်မည့် အဆာပလာပြုလုပ်ရန် -

...............................................

ကြက်ရင်ပုံသား(အရိုးလွတ်) - ၃၀ သား

(ဝက်သားကြိုက်ရင်ဝက်သား) 

ကုဆိုင်  - ၂ စည်း

( ကြက်သွန်မိတ်နှင့်ဆင်တူ အနံ့မတူ)

ပဲငံပြာရည်အကြည်  - ၂ဇွန်း (လက်ဖက်စားဇွန်း) 

ဂျင်း - လက်တဆစ်ခန့် 

ဆား/ သကြား - ဇွန်း တဝက်စီ

ကြက်သွန်နီ - ၂ လုံး

ဟင်းချက်ဆီ - အနည်းငယ်

---------------

ပြင်ဆင်ပုံ

..............

ကြက်ရင်ပုံသား သို့မဟုတ် ဝက်သားကို တောက်တောက်စဥ်း၊

ကြက်သွန်နီကို အတုံးသေးသေးလေးတွေ လှီးထား

ကုဆိုင်မြိတ်ကို ပါးပါးလှီးထားပါ။

ဆီပူအိုးတည် ( ဆီကိုနည်းနည်းလေးပဲသုံးမယ်နော်။ )

တောက်တောက်စဥ်းထားတဲ့ အသားတွေထည့်၊ 

ဂျင်းအရည်ညှစ်ထည့်၊

ဆားသကြားထည့်၊

ပဲငံပြာရည်အကြည်ထည့်၊ ကြက်သွန်နီထည့် ဆီသတ်ပါ။ အသားတွေကျက်လို့ ချခါနီးကျမှ ကုဆိုင်ထည့်ပါ။ 

ကုဆိုင်ရွက်လေးတွေနွမ်းပြီး မွှေးလာပြီဆို ချလို့ရပါပြီ။

👉🏻 ဒီနေရာမှာ ကြက်သွန်နီကို ဆီသတ်တဲ့အထဲ မထည့်ပဲ ပါးပါးလှီး ရဲနေအောင်ကြော်ပြီးထည့်လည်းရပါတယ်။

👉🏻 ဉနီ နဲ့ ဂေါ်ဖီထည့်လဲရပါတယ်

(ထည့်မယ်ဆိုရင် ဥနီကို ဆလိုက်သေးသေးလေးတွေတုံးပါ။ ဂေါ်ဖီကိုလဲ ပါးနိုင်သမျှ ပါးပါလှီးပြီးထည့်ပါ။) 

...............

စလုပ်ပါမယ်။

👇🏻👇🏻👇🏻👇🏻👇🏻

လက်ကိုင်ပါတဲ့ မကပ်အိုး ရှိလျှင်ပိုကောင်းပါတယ်၊ ​မုန့်ဖတ်က ပြန့်ပြန့်လေး လုပ်ရမှာမို့ လက်ကိုင်ပါတဲ့ ဒယ်ပြန့် 🍳 ကိုသုံးစေချင်ပါတယ်။ 

မီးကိုခပ်အေးအေးထားပါ။ မီးပြင်းလျှင် ဖောင်းတဲ့နေရာက ဖောင်းပြီး မုန့်ဖတ်မျက်နှာပြင်မညီပါ။

ဒယ်အိုးကို ဆီပါးပါးသုတ်ပါမယ်။

ဆီပူလာပြီဆိုရင် 

မုန့်နှစ်ကို အနည်မထိုင်အောင်ပြန်မွှေပြီး ယောက်ချိုဇွန်းနဲ့ ခတ်ပြီး ဒယ်ပြန့်လေးထဲ ဖြည်းဖြည်းချင်း ရေမုန့်လုပ်သလို ဝိုက်၍

လောင်းချပြီး လက်ကိုင်လေးကနေ အိုးမျက်နှာပြင်အနှံ့ မုန့်နှစ်ရောက်အောင် လှည့်ပေးပါ။ အောက်ဖက်က ကျက်ပြီးဆိုရင် နောက်တဖက်လှန်ပေးပါ။ နှစ်ဖက်လုံးကျက်ပြီးဆိုရင် ပန်းကန်ပြားလေးထဲမှာပဲ သူ့အပြန့်အတိုင်းလေး ဆယ်ပြီး

ထည့်ထားပါ။ မုန့်နှစ်ကုန်တဲ့အထိ ကြော်ပါမယ်။

မုန့်ဖတ်ရပြီဆိုရင် အဆာပလာနည်းနည်းယူပြီး ကော်ပြန်ခေါက်သလိုပဲ နှစ်ချက်လိပ် ဘေးနှစ်ဖက်ခေါက်တင်ပြီး ထပ်လိပ်ပြီး

ပန်ကန်းပြားလေးထဲထည့် လှလှပလေးပြင်ဆင်ပြီး ဓာတ်ပုံရိုက်မှတ်တမ်းတင်လို့ရပါပြီ။

အားလုံးအဆင်ပြေကြပါစေ။

ကိုသက်

#Credit Photo

-----------------