ကြက်သားလိပ်လုပ်နည်း

 

ဟင်းချက်နည်း

  · 

ကြက်သားလိပ်လုပ်နည်း

--------------------

ကြက်သား သို့မဟုတ် ဝက်သား နှစ်သက်ရာအသားနဲ့ ကြော်နိုင်ပါတယ်။ အတွင်းဘက်ကအဆာအတွက် ကြက်သားအပြင် ကြက်သွန်နီနဲ့ ဂေါ်ဖီထည့်ထားတော့ အနံ့အရသာ ပိုကောင်းသွားတယ်။ အဆာကို ကော်ပြန့်ဖက်နဲ့လိပ်ပြီးမှ တမ်ပူရာထဲမှာ နှစ်ကြော်ထားတဲ့အတွက် အတွင်းကအစိုဓာတ် အပြင်ကိုရောက်မလာအောင် ကော်ပြန့်ဖက်က ထိမ်း ထားလိုက်ပါတယ်။ အပြင်ဘက်က ကြွပ်ကြွပ်လေးနဲ့ အတွင်းဘက်က အနံ့အရသာကောင်းပြီး နူးညံ့တဲ့ကြက်သားနဲ့ ဟင်းရွက်တို့ကို

တစ်ကိုက်လောက်ဝါးမိတဲ့အခါ နှစ်သက်ကြမှာ အသေချာပါ။

ပါဝင်သောပစ္စည်းများ(၆ လိပ်)

--------------------

• ကြက်သား - ၂၅ ကျပ်သား

• ချင်း - ပါးပါး ၂ ပြား

• ဂေါ်ဖီ - ၁ဝဝ ဂရမ် ( ၆ ကျပ်သားခန့်)

• ကြက်သွန်နီ - ၁၅ဝ ဂရမ် ( ၁ဝ ကျပ်သားခန့်)

• ဆား - အနည်းငယ်

• ကော်မှုန့် - လက်ဖက်ရည်ဇွန်း ၁ ဇွန်း မောက်မောက်

• ဆန်မှုန့်/ ဂျုံမှုန့် - လက်ဖက်ရည်ဇွန်း ၂ ဇွန်း

• တရုတ်မဆလာ - အနည်းငယ်

• ကော်ပြန့်ဖက် - ၆ ရွက်

• အကြော်မှုန့် - ၉ဝ ဂရမ် ( ၆ ကျပ်သားလျှော့လျှော့)

• ကြော်ရန်ဆီ - လိုသလောက်

ချက်နည်း

--------------------

၁။ ကြက်သား (ရင်ပုံသား/ပေါင်သား)ကို ဆားနဲ့နယ်၊ ချင်းထည့်၊ ရေအနည်းငယ်ထည့်ပြီး ကျက် သွားရုံလေး ရေခန်းပြုတ်ပါ။ ကျက်သွားလျှင် အအေးခံပြီး အတုံးလေးတွေလှီးထားပါ။ (ကြက်သားကို ကျက်အောင် ပြုတ်ဖို့လိုပါတယ်။ နူးအောင်တော့မပြုတ်ရပါ)

၂။ ကြက်သွန်နီနှင့် ဂေါ်ဖီကို တစ်လက်မရဲ့ ၃ ပုံ ၁ ပုံအထူ လေးထောင့်အတုံးလေးတွေ လှီးထားပါ။

၃။ ဒယ်အိုးထဲမှာ ဆီနည်းနည်းလေးထည့်ပြီး ကြက်သွန်နီနဲ့ ဂေါ်ဖီတွေကို နွမ်းသွားရုံလေးကြော်ပါ။

၄။ အသီးရွက်တွေ နွမ်းသွားတဲ့အခါ ကြက်သားထည့်မွှေပါ၊ ကော်ရည်ထည့်မွှေပါ။ နောက်ဆုံးမှာ ဆန်မှုန့်/ဂျုံမှုန့်လေးဖြူး မွှေပေးပြီးတာနဲ့ မီးဖိုပေါ်ကချပြီး အအေးခံပါ၊

၅။ အကြော်မှုန့်ကို ရေ (၁ဝဝ မီလီလီတာ- ၁၃ဝ မီလီလီတာ)ဖြင့်ဖျော်ထားပါ။ သို့မဟုတ် အထုတ်ပါ အညွှန်းအတိုင်း မပျစ်မကျဲဖျော်ထားပါ။ မုန့်ရည်ပျစ်လျှင်

အကြောမာပျဉ်းတွဲဖြစ်မည်။ မုန့်ရည်ကျဲ လွန်းလျှင် ဆီထဲတွင် ပြန့်ထွက်ကုန်မည်။

၆။ ကော်ပြန့်ဖက်ထဲ အဆာများထည့်ပြီး ကော်ပြန့်လိပ်သကဲ့သို့လိပ်ပါ။ အနားကို မုန့်နှစ်ရည်စွတ်ပြီး ပိတ်ပါ။

၇။ ကြော်မည့်အိုးထဲ ဆီ ၃ လက္မအနက်ထည့်ပြီး ဆီပူလာရင် ကြက်သားလိတ်တွေကို အကြော်မှုန့် ရည်ထဲနှစ်ပြီး ဆီပူထဲထည့်ကြော်ပါ။

၈။ အကျက်ညီအောင် ဟိုဘက် ဒီဘက်လှန်ပေးပါ။ ရွှေအိုရောင်သန်းလာလျှင် ဆယ်ပြီး ဆီစစ်ထားပါ၊ အေးသွားလျှင် ကတ်ကြေးဖြင့်ညှပ်ပြီး အချဉ်ရည်ဆမ်းပြီး သုံးဆောင်နိုင်ပါပြီ။

အချဉ်ရည်

--------------------

၁။ ညောင်စေးကျအောင် ကျိုထားသော ထန်းလျက်ရည် စားပွဲဇွန်း ၂ ဇွန်း၊ အမျိုးစားကောင်းသော ငရုတ်ဆီ စားပွဲဇွန်း ၃ ဇွန်း ရောမွှေပေးပါ။

၂။ အငန်လိုလျှင် ပဲငံပြာရည်အကြည် အနည်းငယ်ထည့်ပါ။ အပျစ် အကျဲကို မိမိနှစ်သက်သလို ရေနွေး ရောပေးနိုင်ပါသည်။

Credit See Less