ငရုတ်သီးစိမ်းရခိုင်ချက်
----------------------------------
ရခိုင်ဟင်းလျာတွေဟာ ဆီအသုံးနည်းပြီး ပူပူစပ်စပ်ကလေးနဲ့ ချဉ်ငန်စပ်
အရသာကဲလို့ နှုတ်မြိန်စေတဲ့အတွက် အကြိုက်များကြတာ ဖြစ်ပါတယ်။ ငရုတ်သီးကို ရခိုင်ရိုးရာပုံစံချက်ထားတဲ့ ငရုတ်သီးချက်က အတို့အမြှုပ်စုံစုံလင်လင်နဲ့ စားကြတဲ့
အခါ ထမင်းဝိုင်းမှာ ငရုတ်သီးချက်တစ်ခွက်နဲ့တင် အခြားဟင်းအမည်များ မလိုအောင် ပြည့်စုံတယ်လို့ ကြိုက်နှစ်သက်သူများက ပြောကြပါတယ်။
ပါဝင်ပစ္စည်းများ
• ငရုတ်သီးစိမ်းတောင့် - ၁၀ ကျပ်သား
• ရေငန်ငါး (ပင်လယ်ငါး) - ၁၀ ကျပ်သား
• မျှင်ငါးပိ - လက်ဖက်ရည်ဇွန်း ၂ ဇွန်း
• မန်ကျည်းသီး - ခုံညင်းလုံးခန့်
• ဆား၊ နနွင်းမှုန့်၊ နံနံပင် - သင့်ရုံ
ပြုလုပ်နည်း
၁။ ငရုတ်သီးရခိုင်ချက် ချက်ရန် မည်သည့် ပင်လယ် ငါးမျိုးမဆို သုံးနိုင်ပါသည်။ ရေချိုငါးများနှင့်
လည်း ချက်နိုင်ပါသည်။ ငါးကို သန့်စင်အောင် ဆေးကြောပြီး ဆားနှင့် နနွင်းမှုန့်ထည့်၍ ရေနှင့် ပြုတ်ပြီး အရိုးဖယ်ကာ အသားနွှင်ထားပါ။ ဆီကို သီးခြားမသုံးဘဲ ငါးမှထွက်သည့် သဘာဝအဆီ ဖြင့်သာ ချက်ပြုတ်ကြခြင်း ဖြစ်ပါသည်။
၂။ ငရုတ်သီးစိမ်းတောင့်များ အညြှာွေခ၍ ရေဆေးပြီး ဆုံတွင် လေးစိတ်ကွဲ ထောင်း ထားပါ။ မန်ကျည်းသီးကို ရေစိမ်ပြီး မန်ကျည်းရည်တွင် မျှင်ငါးပိကို ထည့်ဖျော် ထားပါ။ နံနံပင်များ သင်ထားပါ။
၃။ အားလုံးအသင့်ဖြစ်လျှင် ချက်မည့်အိုးထဲ အဆာအားလုံးထည့်၍ ရေသင့်ရုံ
ထည့်ပြီး ပွက်ပွက်ဆူအောင်ကျိုကာ မပျစ်မကျဲအနေအထားလေးဖြင့် ချက်ပါ။ ဟင်းရည်အိုးကျက်လျှင် နံနံပင်အုပ်ပြီး အတို့အမြှုပ်စုံစုံလင်လင်ဖြင့် ဆီလွတ် ငရုတ်သီးရခိုင်ချက်ကို မြိန်မြိန်ယှက်ယှက် သုံးဆောင်နိုင်ပါပြီ။
------------------------------
Crd
ဦးစံလွင်(ငါးဦးစီး)
Comments
Post a Comment